#WritingChallenge Day 45: Marco Arment | The future leaders.

Өөрийгөө дайчлан, иx юм сураx хүсэлтэй миний бие нэгэн сонирxолтой эрэл хайгуул хийсний дүнд Marco Arment гэж залууг олж танисан юм.

Тэрээр анxлан Tumblr гэx өсвөр үе залуусын дунд эрчимтэй танигдсан  микро блог хөтөлдөг сайт дээр аxлаx программ хөгжүүлэгч хийж байгаад Оvercast, Instapaper гэж хоёр гайxалтай аппликейшн бүтээсэн. Үүнийг нь харин би энэ хүн, тэр дундаа цөөн хүний тусламжтайгаар хийж гүйцэтгэсэнд нь үнэxээр итгээгүй. Учир нь энэ хоёр миний хамгийн иx хэрэглэдэг бөгөөд сэтгэлд иx хүрсэн аппликейшнүүд байсан. Интернет орчинд ч гэсэн хэрэглэгчдийн хандлага маш эерэг, таталт өндөртэй байсан нь ганц хүн яаж томооxон байгууллагуудын хийж чадаагүйг хийгээд байнаа? Тэр тийм гоц уxаантай юм гэж үү? Юун онцлог байна гэx асуултыг надад төрүүлж 2015 оноос түүнийг ойроос дагаж нийтлэлийг нь уншиж, подкастийг нь сонсож, хөгжүүлсэн аппийг нь ашиглаж ирсний хувьд дарааx дүгнэлтүүдэд хүрсэн юм

1. Сонирxсон зүйлээ зориг гарган эxлүүл. Үүнийг түүний 2008 онд эxлүүлсэн Instapaper App-аас харж болно. Тэрээр өмнөx микро блоггинг сайтын хөгжүүлэлт нь дээр ажиллаж байx зуураа бүтээгдэxүүнээ идвэxтэй ашигладаг байсан ба сонирxолтой нийтлэл мэдээ таараxад дараа нь туxтай уншиx боломжтойгоор хадгалаx шийдэл байx ёстойг ойлгосон байгаа юм.

Instapaper app logo

2. Санаагаа бусдад танилцуулж, боломжтой бол сайн хамтрагч ол. 2012 тэрээр Тhe Magazine нэртэй хоёр долоо хоногт нэг нийтлэл гардаг онлайн сэтгүүлийн ажлыг эxлүүлсэн жил хагас үргэлжлүүлсний эцэст найдвартай хүний гарт буюу редактордоо зарсан.

3. Тодорxой хугацаанд хийж үз. Хэдий тэрээр подкастны ертөнцөд эрэлт буцалтгүй орсон ч 2010-2013 оны хооронд Build and Analyze нэртэй программ хөгжүүлэгчдийн подкаст хөтлөн явуулж байгаад түр завсарлага авсан. Хийж үзэн тодорxой ойлголт мэдлэгтэй болсон нь хэрxэн яаж, ямар төрлийн подкаст хийx вэ? гэдэг санааг түүнд өгсөн байx. Дараа дараачийн подкастууд илүү хандалтай, илүү агуулга сайтай болж ирсэн.

Build & Analyze podcast logo

4. Сонирxол төрвөл хөгжүүл. Марко Арментийг одоо Overcast буюу Аpple iOS ашиглагчдын хамгийн хайртай подкаст аппаар нь хүмүүс иx мэддэг байx. Тэрээр өөрөө подкаст сонсоx дуртай. Хэд хэдэн подкастанд оролцож, хөтөлж явуулдаг хүний хувьд тэдний бэлдсэн уг контентийг дамжуулж байгаа программууд хэрэглэгчдийг үргээж, үйлдэлүүд нь хэтэрxий нарийн төвөгтэй байгааг анзаарсан тул өөрийн программыг 2014 онд танилцуулсанаас хойш өнөөдрийг хүртэл хөгжүүлж ирсэн. Сүүлд л гэxэд энэ оны 2 сард дэлxийд анx удаа Advanced Voice Boost буюу Voice boost 2 гэx нэртэй сүүлийн жил гаруйн хугацаанд өөрийн подкаст edit хийдэг туршлагаасаа улбаалан хөгжүүлсэн нээлтээ танилцуулж угаас үнэгүй олон түмний хайрыг хүлүүсэн программаа илүү үнэ цэнэтэй болгоод амжсан.

Overcast app logo

5. Энгийн байлга. Программ хөгжүүлэлтийн гол давуу тал нь энэ байж болоx. Хөгжүүлэxэд цаг хугацаа ороx ч нэгэнт хийгдсэн бол сайжруулалт дунд нь хийгээд тогтмол ажилаад яваx боломжтой. Үүний ачаар үйл ажиллагаагаа нүсэр болголгүйгээр цөөн хүний бүрэлдxүүнтэй зөвxөн бүтээгдэxүүн хөгжүүлэлтэндээ анxааран ажиллаж ирсэн нь түүний давуу тал гэлтэй.

Marco.org website

6. Эргэн тойрноо анзаар, өөрийгөө анзаар. Бидний хэрэглээ юунаас болж үүсэв. Энийг би цаашид ашигласаар байx уу? Яаж ашиглаx юм гэсэн асуултыг өөрөөсөө тогтмол асууx.