National Identity

Урд шөнө ингэж бодлоо л доо

Бид нэгнийгээ уянгаллаа л гээд байдаг ер нь national identity талаасаа Монголчууд маань уянгалаг ард түмэн юм бишүү?

2011 онд санаж байна оюутан байхдаа групп аялагчдад хөтөч хийж байхад Сүхбаатарын талбай дээр зогсоод эргэн тойрноо тайлбарлаж байхад нар зөв энэ соёлын төв, дуурь бүжгийн эрдмийн театр, Нардом суурин дээр Ленин клуб, тэр харагдаж байгаа нь драмын театр, энэ Элдэв-Очирын кино театр байж байгаад 90 оноос хойш хөрөнгийн бирж болсон, энэ Монголын үйлдвэрчний эвлэл 4 давхарт нь Монголын зохиолчдын эвлэл байдаг юм. Энэ Монголын түүхийн музей гээд тайлбарлаад нэг бүрийх нь түүхийг нь яриад явж байсан хөөх танайх чинь ямар мундаг соёлоо дээдэлдэг ард түмэн бэ. Хамаг соёлын төвүүдээ хотынхоо төв цэгт байрлуулсан байна гээд. Зохиолчдын эвлэл дээр хүмүүс нэлээн ач холбогдол өгч байсныг санаж байна. Олон орноор явж байхад яг талбайн хажуудаа бүгдийн залсан байсныг санахгүй юм байна гэсэн санаанаас гардаггүй юм.

2016 онд Мэнд-Ооёо яруу найрагчийг Италид урлагийн арга хэмжээнд оролцохоор ирж байхад нь Монголчуудаараа хүлээн авч уулзахад Испани билүү дээ хэлний араас Монгол хэл шүлэг найраг бичих/уншихад хамгийн уянгалаг хэлээр шалгарч байсан гэж билээ.

Аялал жуулчлал талаас MonGOlia слоган гаргаад яваа нь таалагдаад байгаа. Аялал жуулчлал хөгжсөн орнууд өөрсдийнхөө Identity-г илүүтэй харуулах таниулах зарим нь бүр Laid back (налайсан) байгаагаа амьдралыг таашааж байна гэдгээр сурталчилдаг шүү дээ. Youtube дээр тал нутгийн зураг бичлэг тавиад уртын дуу аятайхан тайлбартай оруулбал бусад төрлөөс чамлахааргүй хандалт авахаар байхад төлөвлөгөөтэй уянгалбал яасан юм бэ?

Герман хүн яг цагаа барьдаг л юм байгаа биз түүнийг дуурайн ижилхэн болох гэж оролдвол яг таг герман хүн болж чадахгүйг бид мэднэ. Өсөж төрсөн орчин байна, нийгэм соёлын нөлөө гээд нүдэнд харагдахгүй хэрнэ биднийг бид болгодог хүчин зүйлүүд бишгүй. Соёл урлагийнхаа онцлогуудыг хасах биш бага ч гэсэн таниулах тал руугаа хандвал урлаг соёлын хөрс нь тэр чиглэлийн хүмүүс илүү богино хугацаанд амжилт олж мэднэ. Хажуугаар нь бизнес сэтгэлгээтэй хүмүүс нь хийдгээ хийгээд л явж байна

Гадаад ертөнцөөс Монголыг харвал муухан бизнесмен байсан дор сайн уран сайхан ч байвал ондооших, бизнесийн орчин өсөн нэмэгдэх нэмэлт боломж байна.