Халаасны номын сан төсөл
"Халаасны номын сан" төсөл нь ашиглагддаггүй Kindle төхөөрөмжүүдийг дахин амилуулж, номоор дүүргэн Монголын уншигчдад илгээдэг сайн дурын төсөл юм. Бид номын сан хол, эсвэл ном худалдан авах боломж хязгаарлагдмал хүмүүст мянга мянган номтой зөөврийн номын санг үнэ төлбөргүй хүргэж өгдөг. Ингэснээр бид технологийн дэвшлийг ашиглан унших соёлыг түгээж, мэдлэгийн тэгш бус байдлыг бууруулахыг зорьж байна.